سيناريست مصري يهاجم أحمد مكي: "ياريت منتقابلش لا في شغل ولا صدفة"
اخبار من اليمن شن المؤلف عمرو سمير عاطف، هجومًا على الفنان أحمد مكي بسبب تصريحاته الأخيرة في برنامج “معكم” مع الإعلامية منى الشاذلي، والذي تحدث فيها عن مسلسل السيت كوم “تامر وشوقية”.
كان مكي قد أشار خلال حديثه مع منى الشاذلي، إلى أنه قرر خوض تجربة التمثيل في مسلسل “تامر وشوقية” لأنه شعر بأن شخصيته في المسلسل مختلفة ومميزة، موضحًا أنه فضل التمثيل فقط دون إخراجه.
وقال إنه يحب التعدي وأصر على تقديم عمل “تامر وشوقية” وإعادة السيت كوم إلى مصر مرة أخرى، كما كشف عن بذله الكثير من الجهد للتجهيز لهذا العمل والذي كان بداية الانطلاق في عالم التمثيل.
تصريحات مكي أثارت غضب عمرو سمير عاطف مؤلف العمل، الذي كتب بيانًا طويلا عبر صفحته على موقع التواصل الاجتماعي “فيسبوك”، بسبب تلك التصريحات.
وقال: “الواحد ما بقاش فيه حيل يدخل فى جدال والموضوع ما بقاش فارق قوي وخصوصا أن تامر وشوقية كانت مرحلة عدى عليها سنين طويلة وانتهت“.
الكلام اللي مكي قاله فى اللقاء عن تامر وشوقية، والعمل اللى كان بدايته الحقيقية والسبب اللي خلاه يبقي ممثل مش مخرج -كلام غير دقيق لانه بيدى ايحاء انه كان له دور فى تطوير الموضوع وانه كان سبب ان يبقي فيه حاجة اسمها ست كوم وانه بيحب “يذاكر” الموضوع وبيقول “جبنا كتب و”عملنا” وده كله كلام فيه مبالغة فى تصوير دوره “.
واستكمل: “الحقيقة هى ان مكى كان ها يخرج المسلسل فعلا وماكنش بيقرا الحلقات ولا كان بيجهز نفسه لاخراج العمل كما يجب او -على الاقل – زى ما انا كنت متوقع ومنتظر منه ولغاية ما قربنا نخلص كتابه كان مشغول فى اعمال تانيه وما كناش بنشوفه خالص لدرجة انى انا اللى اشرفت على تصميم وتنفيذ ديكور الجزء الاول من المسلسل ..ولما ابتدى التصوير مكى اخرج اول حلقتين وانا وشريف عرفه-بصفته المنتج- والكتاب اتفرجنا عليهم وكان المستوي مش كويس ولو كان مكى استمر فى اخراج الحلقات ما اعتقدش انها كانت ها تنجح شريف عرفه وقف التصوير بعد الحلقتين لمدة أسبوع وقرر أنه ها يخرج هو الحلقات ومكى ها يعمل دور هيثم وقد كان”.
واستطرد: “هل ده معناه ان مكى ما اضافش للعمل ؟ لاء طبعا مكى كان اضافة مهمة وكبيرة جدا لتامر وشوقية وفعلا دور هيثم ماكنش مكتوب كده فى الاول بس بعد ما مكي ابتدى يعمله بالطريقة دى ابتدينا نكتب الدور بطريقة مختلفة”.
وتابع: “لكن تامر وشوقية ما اتعملش لان مكى كان عايز يعمل حاجه مختلفة تامر وشوقية انا فضلت سبع سنين الف بيه على المنتجين والمخرجين لغاية ما شريف عرفه تحمس لانتاج العمل وشخصية هيثم مش من ابداع مكى لوحده انا والكتاب اللى اشتغلوا فى العمل وشريف عرفه ساهمنا فى خروجها بالشكل ده”.
وأضاف عاطف: “باتمنى التوفيق لمكى دايما بس ما اعتقدش وما اتمناش اننا نتقابل تانى لا فى شغل ولا حتى صدفة“.
