مروة عبد المنعم تنهار على الهواء وتكشف تفاصيل صادمة عن أزمتها أثناء الإبتعاد عن الفن!
اخبار من اليمن الفنانة مروة عبد المنعم أثناء حديثها مع الإعلامية مروة صبري في برنامج “قعدة ستات”، انهارت وبكت عندما تحدثت عن الأشخاص الذين تخلوا عنها أثناء إبتعادها فترة طويلة عن الفن، وتركها وحيدة في محنتها.
وقالت مروة عبد المنعم خلال لقائها: كنت لسه بقول لبنتي مش عارفه أنا صرفت عليكم طول السنين اللي فاتت دي ازاي؟ بس بتمشي، أنا وقفت جمب نفسي محدش وقف جمبي، طبعا بعد ربنا، ربنا ده عظيم وكريم ، بقعد ساعات أقول أنا بصرف السنة دي ازاي.
للخبر بقية في الأسفل.. ومن أخبارنا أيضاً:
واستكملت مروة عبد المنعم حديثها قائلة: أشرف زكي وقف معايا، إدوارد كان وقتها معايا، ومكنش كتير، ودول اللي كانوا اقفين معايا، ومش هقول مين أتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة.
وتابعت: وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف في الجيش وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج وفصتح، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا.
برنامج “قعدة ستات” تقدمه الإعلامية مروة صبري على شاشة “القاهرة اليوم” السبت من كل أسبوع وتستضيف خلاله عددًا من نجوم الفن والمشاهير.